Imtiyozli ta’lim kreditini qanday olish mumkin?

Ta’lim krediti oliy va professional ta’lim tashkilotlarida tahsil olish uchun faqat kunduzgi ta’lim shaklida o‘qiyotgan talaba va o‘quvchilarga ajratiladi.

Kredit shartlari:

• yillik stavka – 14% (MB asosiy stavkasida);
• miqdori – oliy ta’lim muassasasida shartnoma asosidagi yillik kontrakt miqdorida;
• muddati – o‘qishni tugatgandan so‘ng yettinchi oydan boshlab, 7 yil muddatga.

Talaba xotin-qizlar ta’lim krediti foizlarini to‘lashdan ozod etiladi!

Kredit olish uchun qanday hujjatlar talab etiladi?

• shaxsni tasdiqlovchi hujjat;
• oliy ta’lim muassasasi bilan tuzilgan shartnoma nusxasi;
• ta’minot hujjatlari.

Ta’lim krediti rasmiylashtirish uchun arizalarni bank ofislarida va Talim-krediti.mf.uz (http://talim-krediti.mf.uz/) portali orqali qoldirish mumkin.

• Agar Markaziy bank asosiy stavkasi pasaysa, imtiyozli ta’lim krediti foiz stavkasi ham pasaytiriladi, agar asosiy stavka oshirilsa, kredit stavkasi ko‘tarilmaydi.

Birinchi bosqich talabalari uchun to‘lov-kontrakt summasi miqdorida, ikkinchi va undan yuqori kurs talabalari uchun fanlarni o‘zlashtirishning o‘rtacha ko‘rsatkichi “3” dan past  bo‘lgan taqdirda to‘lov-kontrakt summasining ko‘pi bilan 80 foizi miqdorida ajratilishi belgilangan.

Xotin-qizlarga ajratiladigan ta’lim krediti bo‘yicha foiz to‘lovlari Ta’lim kreditini moliyalashtirish jamg‘armasi tomonidan tijorat banklariga to‘lab beriladi.