KONCHILIK ISHI FAKULTETI

1958-1961 yillar Toshkent politexnika institutining (ToshPI) Olmaliqda ochilgan maslahat maskaniga shahar reja qo‘mitasi raisi YU.S.Petrosov rahbar etib tayinlangan.

XX asrning 50-yillarida O‘zbekistonda yirik metallurgiya zavodlarining qurilishi rejalashtirilgan bo‘lib, 60-yillarda ushbu rejani amalga oshirish ishlari boshlab yuboriladi. Jumladan, Olmaliq kon-metallurgiya kombinati, “O‘zbekoltin” birlashmasiga qarashli Chodak, Angren, Marjonbuloq oltin saralash fabrikalari, keyinroq esa Navoiy kon-metallurgiya kombinatlari qurildi. Bu davrda Bekobod metallurgiya zavodi, Chirchiq o‘tga chidamli va qiyin eruvchi metallar (volьfram va molibden) ishlab chiqarishga mo‘ljallangan kombinat faoliyat ko‘rsatib kelayotgan edi. Ushbu zavodlarda ishlash uchun mutaxassislar – injener metallurglar tayyorlash davr talabiga aylangan edi. Bu vazifa Toshkent politexnika instituti (Xozirgi Toshkent davlat texnika universiteti) tarkibidagi Konchilik Fakultetiga yuklatiladi. Shu munosabat bilan 1961-yili Olmaliq shahrida kechki, 1962-yili Toshkentda kunduzgi bo‘limga “Rangli metallar metallurgiyasi” ixtisosligi bo‘yicha abiturientlar qabul qilinib, injener metallurglar tayyorlash boshlab yuboriladi. Fakultet dekani dots. U.A. Isomuxammedov, dekan o‘rinbosari  I.I.Inag‘amov bo‘lgan. Rahbariyatning “Oliy o‘quv yurtlari ishlab chiqarish korxonalariga yaqin joylarga ko‘chirilsin” degan buyrug‘iga binoan Toshkent politexnika instituti tarkibidagi kon-metallurgiya Fakulteti 1963-yil sentyabrida Olmaliq shahriga ko‘chiriladi. Fakultet Olmaliqqa ko‘chirilgandan keyin U.A. Isomuxammedov o‘quv ishlar bo‘yicha prorektor lavozimiga o‘tkazilib, Olmaliqdagi fakultetga 1961-yil  A.P.Turchits tayinlandi.

1963-1967 yillari Olmaliq kon metallurgiya fakultetining kunduzgi, kechki, sirtqi bo‘limlari tashkil etildi va texnika fanlari nomzodi, dotsent Ilhom Inag‘amovich Inag‘amov dekan vazifasida ish yuritdi.

1967 yilda Olmaliq kon metallurgiya fakultetining kunduzgi bo‘limi ToshPIga o‘tkazildi kechki, sirtqi bo‘limlarda Olmaliqda foliyat olib borildi.

1967-1976 yillarda texnika fanlari nomzodi Djaymagambetov Djetis Satxalievich dekan vazifasida ish yuritdi.

1976-1981 yillar Olmaliq KMF yana texnika fanlari nomzodi, dotsent Ilhom Inag‘amovich Inag‘amov dekan vazifasida ish yuritdi.

1981-1993 yillarda texnika fanlari nomzodi, dotsent Yusupxodjaev Anvar Abdullaevich dekan vazifasida ish yuritdi.

1993-1995 yillarda texnika fanlari nomzodi, dotsent Xolmatov Miraxmad Maxamadovich dekan vazifasida faoliyat olib bordi.

Olmaliq kon metallurgiya fakultetida 1961-1995 yillarda ishlagan professor -o‘qituvchilar B.A. Stepanov V.N.Chazov, R.Sharipkulov, B.V.Popova, V.Ivanova, N.Nexoroshov, A.Zubkov, L.Chazova, M.I.Shupak, S.Abduraxmanov, M.Askarov, A.Yusupxodjaev, A. Mutalov, M.Abduraxmonov, M.Mutalova, T.Maxmadiyorov, M.Xolmatov, M.Yakubov,  A.Xasanov kabi mutaxassislar talabalarga saboq berganlar.

1995 yilda Olmaliq kon metallurgiya fakulteti Olmaliq davlat texnika kollejiga aylantirildi.

2000 yillarda O‘zbekiston Respublikasi sanoatining tez rivojlanayotgan kon-metallurgiya sohasi, asosan Olmaliq tog‘-metallurgiya kombinatining tegishli bo‘limlarini va qolaversa, Respublika sanoatining tog‘-metallurgiya sohasini tayyorlangan malakali kadrlar bilan ta’minlash uchun Navoiy davlat konchilik instituti tarkibida Olmaliq kon-metallurgiya fakulteti tashkil etildi. O‘sha vaqtda fakultetni tashkil qilishda quyidagi insonlar tashabbus ko‘rsatishgan: Rossiya konchilik fanlari akademiyasi akademigi, texnika fanlari doktori B.R.Raimjonov, texnika fanlari doktori N.I.Kucherskiy, texnika fanlari doktori Q.S.Sanaqulov, texnika fanlari doktori, professor S.A.Abduraxmanov, texnika fanlari doktori YU.J.Norov, texnika fanlari doktori O‘.F.Nosirov, dotsent R.M.Qarshiyev, dotsent A.M.Mutalov va fakultetning birinchi dekani texnika fanlari doktori A.S.Xasanovlar.

Olmaliq kon-metallurgiya kombinati bosh direktori va Olmaliq shahar hokimining takliflari hamda “Ta’lim muassaslariga qabul qilish bo‘yicha” Davlat komissiyasining 2001-yil  18-iyuldagi 4-sonli majlisi bayonnomasi, Navoiy davlat konchilik instituti Ilmiy Kengashining 2001-yil 27-sonli majlis qarori asosida  Navoiy davlat konchilik  instituti rektorining 2001-yil 2-avgustdagi 1/68-sonli buyrug‘iga binoan Olmaliq  shahrida  Navoiy davlat  konchilik  institutining  Olmaliq  kon-metallurgiya fakulteti  ochilgan.  Fakultet  dekani etib dotsent  Xasanov A.S. tayinlangan va  u  bu  lavozimda  2012-yilgacha  faoliyat  yuritdi.                                                       

2012-2013 yillarda dotsent T.V.Botirov, 2013-2017 yillarda dotsent D.B.Xoliqulov fakultet dekani lavozimida ishladi.

O‘zbekiston Respublikasi Prezidentining 2017 yil “Toshkent viloyatida sanoat ishlab chiqarish soxasi uchun muhandis texnik kadrlar tayyorlash tizimini takomillashtirish chora-tadbirlari to‘g‘risida”gi PQ-3153-sonli qaroriga asosan, O‘zbekiston Respublikasi Oliy va o‘rta maxsus ta’lim vazirining 2017 yil 4-avgustdagi 516-sonli buyrug‘i hamda Islom Karimov nomidagi TDTU rektorining 2017 yil 4-avgustdagi 01/9-05-520-sonli buyrug‘iga binoan Olmaliq  shahrida Islom Karimov nomidagi Toshkent davlat texnika universiteti Olmaliq filiali tashkil qilindi va uning tarkibiga “Konchilik ishi va metallurgiya”  fakulteti  ham  kiritilgan edi.

“Konchilik ishi va metallurgiya” fakultetiga D.N.Abdisattorov  dekan  lavozimiga filial  direktori  buyrug‘iga  binoan  2019 – yil  3-yanvardan  tayinlandi  va  u  2019 yil 3-sentyabrgacha faoliyat ko‘rsatdi. 2019-yil 3-sentyabrdan 2022-yil 17-avgustgacha “Konchilik ishi va metallurgiya” fakulteti dekani lavozimida dotsent  Yu.P.Isomatov faoliyat olib bordi.

Filial direktorining 2022-yil 8-avgustdagi “Filialda yangi fakultet va kafedralarni tashkil etish toʻgʻrisida” gi 01/9-05-153-sonli buyrugʻiga asosan “Konchilik ishi” fakulteti tarkibiga “Konchilik ishi”, “Konchilik elektr mexanikasi”, “Umumkasbiy va iqtisodiy fanlar” va “O‘zbek tili va adabiyoti” kafedralari kiritiladi.

2022-yil 17-avgustdan bugungi kungacha PhD. O.A.Xasanov fakultet dekani lavozimida faoliyat yuritmoqda. 

 “Konchilik ishi” fakulteti tarkibida 4 ta kafedra mavjud.

1. Konchilik ishi kafedrasi
2. Konchilik elektr mexanikasi kafedrasi  
3. Umumkasbiy va iqtisodiy fanlar kafedrasi
4. O‘zbek tili va adabiyoti kafedrasi

Fakultetning mutaxassis kafedralarida talabalikka qabul qilish kunduzgi, kechki va sirtqi bo‘limlarda olib boriladi.

FAKULTET TARKIBIDAGI KAFEDRALARGA QUYIDAGI PROFESSOR – O‘QITUVCHILAR KAFEDRA MUDIRI SIFATIDA ISH OLIB BORISHMOQDALAR.

1. Konchilik ishi kafedrasi – PhD. Xasanov Adxam Amanqulovich
2. Konchilik elektr mexanikasi kafedrasi – PhD. Shoyimov Yo’lchi Yusupovich
3. Umumkasbiy va iqtisodiy fanlar kafedrasi- t.f.n., dots. Riskulov Xashim Artikbayevich
4.  O‘zbek tili va adabiyoti kafedrasi – PhD. Axmedova Vaziraxon Asqarovna

FAKULTET BO‘YICHA PROFESSOR – O‘QITUVCHILARNING  TAQSIMOTI  VA  ILMIY SALOHIYATI

FAKULTETDA TALABALAR

2023/2024 o‘quv yilida fakultetda 1,2,3,4,5-kurs talabalari kontingenti:

1. kurs –167 nafar,
2. kurs  – 149 nafar,
3. kurs –197 nafar,
4. kurs -273 nafar,
5. kurs – 55 nafar,

Fakultet bo‘yicha jami talabalar soni (kunduzgi va kechki boʻlim) – 841 nafar