Loading...
Jamiyatning qo‘sh qanoti, ruhiy quvvati ma’naviyat va ma’rifatdir. Uning omma ongiga singdirilishi katta kuch va ahamiyat kasb etadi. Shuning uchun ham ziyolilar bir tan-u bir jon bo‘lib, targ‘ibot ishlarini olib bormoqda.
Joriy yilning 1-may kuni TDTU Olmaliq filialida tashkil etilgan “Ma’rifat ulashib” mavzusidagi madaniy-ma’rifiy tadbir ana shunday ezgu g‘oyani o‘zida mujassam etdi.
Kechada O‘zbekiston Yozuvchilar uyushmasi a’zosi, akademik shoir, Turon xalq shoiri — Amir Xudoyberdi hamda Bo‘stonliq shoira Nozimoh Dilkash ishtirok etdi.
She’riyatga oshufta talaba-yoshlarga ular tomonidan kerakli tavsiyalar berildi. Qizg‘in savol-javob mushoiraga ulanib ketdi. Tadbirda ijodkorlar yurtimizda amalga oshirilayotgan islohotlar xususida fikrlarini bildirdi, asarlaridan namunalar o‘qib berdi.
Mazkur tadbirdan ko‘zlangan maqsad mamlakatimizda milliy g‘oyani keng targ‘ib qilish, ma’naviy-ma’rifiy ishlar samaradorligini oshirish, jamiyatda adabiyot va kitobxonlikni yanada rivojlantirishdan iborat. Uchrashuv davomida iqtidorli talabalar tomonidan she’rlar o‘qib berildi.
