Loading...
TDTU Olmaliq filialining Kimyoviy texnologiyalar kafedrasi professori, texnika fanlari doktori Abdugaffor Mirzabdullayevich Khurmamatov Scopus ma’lumotlar bazasidagi Hirsh indeksi (H-indeks) bo‘yicha filialimizda birinchi bo‘lib H-indeksi 5 ga yetdi.
Bu natija nafaqat A.Khurmamatovning ilmiy izlanishlari va nufuzli jurnallarda e’lon qilgan maqolalari sonining, balki ularning sifat darajasi, ya’ni boshqa olimlar tomonidan ularga berilgan iqtiboslarning e’tiborga loyiq ekanini ko‘rsatadi.
Ma’lumot uchun: H-indeks – bu muallifning ilmiy faoliyatini baholovchi muhim ilmiy-analitik ko‘rsatkich bo‘lib, uning maqolalariga nechta iqtibos keltirilgani asosida aniqlanadi. Scopus esa – bu ilmiy ma’lumotlar bazasi bo‘lib, u dunyo bo‘ylab turli fanlar bo‘yicha nashrlarni qamrab olgan yirik elektron platforma hisoblanadi.
Filialimiz jamoasi nomidan professor, t.f.d A.Khurmamatovni ushbu yutuq bilan samimiy tabriklaymiz!
