Loading...
14-16-noyabr kunlari Toshkentdagi O‘zekspomarkazda eng yirik innovatsion tadbir “Innoweek.uz-2024” xalqaro innovatsion g’oyalar haftaligi bo’lib o’tadi.
Xalqaro innovatsion g‘oyalar haftaligi — “Innoweek.uz” respublikada innovatsion rivojlanishni jadallashtirish, iqtisodiyotning barcha tarmoqlarida innovatsiyalar va texnologiyalarni keng tatbiq qilish, inson kapitalini, ilm-fan va innovatsiya sohalarini rivojlantirish maqsadida 2018-yildan buyon o‘tkazib kelinmoqda.
“InnoWeek.Uz-2024” haftaligi bu yil “Barqaror rivojlanish uchun innovatsiyalar” shiori ostida o‘tkaziladi. Uning asosiy maqsadi ilmiy tadqiqotchilar, biznes va sarmoyadorlar o‘rtasidagi hamkorlikni yanada rivojlantirish, yangi texnologiyalar va ilmiy ishlanmalarni hayotga joriy etishga qaratilgan.
Mazkur xalqaro innovatsion g’oyalar haftaligida TDTU Olmaliq filiali vakillari ham ishtirok etishmoqda.
