Yоsh olimlar kengashi

TDTU Olmaliq filiali qoshida 40 yoshgacha bo‘lgan ilmiy tadqiqotchilarni jamlagan Yоsh olimlar kengashi faoliyat yuritadi. Bugun filial direktori professor A.Samadov boshchiligida bo‘lib o‘tgan yig‘ilishda mazkur kengashning bir yillik faoliyati sarhisob qilindi.Yоsh olimlar kengashi raisi PhD G.Yusupova kengash faoliyatining yillik hisobotini yig‘ilish ishtirokchilariga havola etdi.

Ochiq muloqot shaklida olib borilgan yig‘ilishda filial rahbari ilmiy tadqiqotchilarning ilmiy izlanishlari qay bosqichda ekanligi, hal etilishi lozim bo‘lgan savol va muammolar bilan qiziqdi.

Yosh olimlar kengashi tomonidan har chorakda hisobot topshirilishi, har bir fakultetda ikki martadan o‘quv seminari, akademiklar bilan uchrashuvlar tashkil etilishi belgilandi.