Abu Rayhon Beruniy

ABU RAYHON BERUNIY – Abu Rayhon Muhammad ibn Ahmad Beruniy. Abu Rayhon – kunyasi, ya’ni Rayhonning otasi, deganidir. Muhammad mutafakkirning ismi, Beruniy esa taxallusidir. Alloma 973-yil 9-sentabrda Xorazmning qadimiy poytaxti Kat shahrida tug‘ilgan. 1048-yil 13-dekabrda G‘azna shahrida vafot etgan. Ayrim manbalarda, olim Kat shahrining tashqarisida tug‘ilgan, shu sababli u Beruniy, ya’ni “shahar tashqarisida yashovchi kishi” degan taxallus bilan atalgan, deyiladi.